He kāinga rua: Kuikui Lane

Takahia te Tukutata o Kuikui ki te takiwā hāneanea kounga rawa atu o te tāone

Where

Te Aro

Location

120 Victoria Street

Contact

Email

E huna nei ki tētahi tukutata iti i te Huarahi o Victoria, ko tētahi pāpara kāuta mahana, e kore e pēnā noa nā tōna iti, nā te uriuri rānei o te tūrama anake.

E rongo ana i te tau me te rerekē e taiāwhio nei, engari e kounga tonu ana. E tūturu ana a Kuikui Lane, e marutuna ana, engari, ānō nei he kāinga rua. Kua Aotearoa mārika hoki.

He pāpara tīni, ranunga waipiro hoki a Kuikui Lane e whāia ana ngā arero ki tētahi tāone kua potere pai ki ngā whakaherenga inu auaha. Ko tā rātou auahatanga hanga toi kē e rerekē ai tā rātou rārangi kai me te ranunga.

O roto i te "Gin Ramble" rorotu, ko te waipiro reka poihanaperi, me te tīni paetata nō te Taurapa o te Waka, ā, tērā te inu rerekē, te "Wellington Wash" e whakamahi ana i te rama NZ Honest Six, kua whaitake tōna tetepe. Arā noa kē atu te auahatanga Aotearoa, ina koa he hua o Aotearoa te katoa o ngā kai me ngā inu a te pāpara kāuta.

He kāinga rua

Ko te mea e noho ana hei tūāpapa ko te whakanuinga i te manaakitanga – te manaaki i te tangata. Tupu ake ai ngā kaiwhakahaere a Riann Umaga-Marshall rāua ko Hamish Mexted i ngā whānau i noho ki te ururuatanga o te whanaungatanga me ngā hapori.

“Ko te hora i te kai, me te mōhio he inu ā te katoa, tētahi mea māori ki a mātou,” hei tā Riann. “Mai i ngā rangunga waipiro, ki te kapu tī me ō whāea, i tupu ake mātou ki te mātotorutanga o te kai me te inu – nā reira he mihi a Kuikui Lane ki ō mātou kuia, me rātou katoa i whāngai mai i te manaakitanga tangata.”

Ka tomo ana, ko te mea matua, ko tā te katoa noho hāneanea, me te rongo i te aroha ahakoa te aha. Kia maumaharatia tō mātou wāhi.

Riann Umaga-Marshall, Kaiwhakahaere

Ngā kai me ngā kakara

Hei hoa haere mō ngā ranunga waipiro, me tētahi rārangi tīni pai nō Aotearoa, ko ngā kai ngāwari ki Kuikui Lane, engari e hāngai tonu ana ki te wairua. He Rīhi Tohatoha e whāngai atu ana i te tīhi, ngā mīti, me ngā kīnaki, e oti rānei i a koe te ruku atu ki te wairua Kiwiana ina tono i ngā tākai mīti nakunaku nā Kuikui, me tētahi pātara kīnaki Wattie's ānō he tomato ake te hanga.

Nā reira, mēnā koe e koroingo ana i te auahatanga, ngā kakara kounga, me te marutuna, engari e kōingo tonu ana ki te hāneanea kāinga rua, ka whaihua tāu toro atu ki Kuikui Lane e whai wheako ai ki tētahi wāhi e ora nei ēnā mea katoa.

You might like