Te Whakakiteanga i Te Whanganui-a-Tara

He whakakitenga e whakanui ana i ngā mea e Pōneke ai a Pōneke

Ko Te Whanganui-a-Tara tā Te Waka Huia o Ngā Taonga Tuku Iho whakakitenga hōu, ā, he tōmenetanga o ngā kōrero o Pōneke. Mā te whāriki kua hora ake nei, ānō he mahere o te tāone o Pōneke, e hōu ai tā te manuhiri kite, hīkoi hoki i ngā wāhi e kaingākautia nei.

He mea tapa hei mahara ake ki te whanga ki Pōneke, ā, ko tā Te Whanganui-a-Tara he whakaatu i ngā pānga māori, ā-ahurea hoki i pokepokea ai a Pōneke, mā te rārangi wā āwhata-rahi; ka tīmata ki Te Orokohanga, ka tae noa atu ki te urutā KOWHEORI-19. Ka whaiwāhi hoki te manuhiri ki te ako i ngā kōrero mō tō rātou tāone, me tō rātou nōhanga i ngā hītori.

E whakanui ana i ngā mea e Pōneke ai a Pōneke. Anō te kōura o ngā ngahurutau tata nei ki Pōneke, ka mutu, e hiamo pai ana mātou kia whakakite atu i ōna hītori rarawe.

Ian Wards, Kaitiaki Matua

He mahi tahi a Te Whanganui-a-Tara nā Mana Whenua me ngā tini kaitoi, kaipūtaiao hoki ki Pōneke, e waihangatia ai ngā teihana pāhekoheko kia ngahau ai te manuhiri. E tae rā anō ana ki tētahi teihana pūrere kapohau e taea ana e te manuhiri te whakatū, me te tāuke. E oti hoki i te manuhiri te kite i te roanga atu o ngā kōrero mō te pānga o tō Pōneke āhuatanga "āwhā" ki te waihanganga o Pōneke ake.

E whakakitea ana hoki ngā tini mahi toi ahurei, e whakaatu ana i tō Pōneke hītori, tuakiri hoki, nā ngā kaitoi nō Pōneke: ko Xoë Hall rātou ko Derek Cowie, ko Ariki Brightwell.

 

You might like